Қазақстандықтар 2026 жылдан бастап Индонезияға визасыз бара алады
«Визасыз кіруді ұсыну туралы шешім қабылдағанда, индонезиялық тарап өзара келісім принципін ескерді. Қазақстан бұған дейін Индонезия азаматтарына біздің елге 30 күнге дейін визасыз кіру және болу құқығын берді. Осылайша, екі елдің ұлттық паспорт иелеріне 30 күнге дейін визасыз режимдер қолданылады. Индонезиялық тараптың белгілеген шарттарына сәйкес визасыз режим тегін болып табылады және бір реттік кіруді қарастырады. Максималды болу мерзімі келу күнінен бастап 30 күнді құрайды», – делінген хабарламада.
Сондай-ақ, азаматтарға Индонезияға кіру кезінде жалпы талаптарды ескеру қажет.
«2025 жылдың 1 қазанынан бастап шетелден келген барлық жолаушылар „All Indonesia“ атты бірегей электронды декларацияны толтыруы міндетті. Декларация тегін толтырылады және алдын ала рәсімделуі мүмкін», – деп қосты ведомство.
