Қазақстандағы 2035 жылға дейін сұранысқа ие болашақ мамандықтар

«Сонымен қатар еңбек нарығы жұмыс күшіне тұрақты сұранысты көрсетуде. Электронды еңбек биржасында жарияланған бос жұмыс орындарының жартысынан көбі жұмысшы мамандықтарына тиесілі. Негізгі міндет – сұраныс қалыптастыру емес, кадрларды даярлаудың қазіргі және болашақ экономикалық қажеттіліктеріне сәйкестігін қамтамасыз ету. 2035 жылға дейін экономикаға қажетті кадрлар саны 2,9 млн адамды құрайды, оның ішінде 1,8 млн адам жұмысшы мамандықтары бойынша», – деді Асқарбек Ертаев.

Ол ең жоғары сұраныс өнеркәсіпте, құрылыс, ауыл шаруашылығы және IT саласында қалыптасқанын атап өтті, осыған байланысты ең сұранысқа ие мамандықтар тізімі жаңартылуда: 51-ден 174 мамандыққа дейін.

«Бұл – инженерия, құрылыс, өңдеу өнеркәсібі, биотехнология, жасыл және ядролық энергетика. Сонымен қатар технологиялар мен жасанды интеллект еңбек нарығын тез өзгерту үстінде. Кейбір мамандықтар жойылады – мәтіндерді өңдеушілер мен терушілер, деректерді енгізу қызметкерлері, редакторлар. Көптеген мамандықтар трансформацияланады. Принципті түрде жаңа қызмет бағыттары пайда болады. Осы жағдайларда кадрларды даярлау жүйесі алдын ала жұмыс істеуі керек. Экономика салаларында болашақта сұранысқа ие мамандықтар алдын ала анықталып, біліктіліктер мен білім беру бағдарламалары жедел жаңартылуда», – деді министр.

Бұған дейін Қазақстанда 200-ден астам жаңа мамандық пайда болатыны белгілі болды.