Қазақстан мен Қытай жүргізуші куәліктерін өзара тану туралы келісімге келді
Құжаттарға қол қою «Орталық Азия – Қытай» форматында Пекинде өткен ішкі істер министрлері мен қоғамдық қауіпсіздік министрлерінің кездесуі аясында өтті.
«Министрлер өңірлік қауіпсіздік, трансұлттық ұйымдасқан қылмысқа, есірткі заттарының заңсыз айналымына, киберқұқық бұзушылыққа және басқа да заманауи қауіптерге қарсы тұру мәселелерін талқылады», – деп атап өтті ведомство.
Ержан Саденов пен Қытай Халық Республикасының қоғамдық қауіпсіздік министрі Ван Сяохунның жеке екіжақты кездесуі барысында екі елдің үкіметтері арасында «Хоргос» халықаралық шекаралық ынтымақтастық орталығында қауіпсіздік режимі мен құқық тәртібін қамтамасыз ету туралы келісімге қол қойылды.
«Келісім екі елдің уәкілетті органдарының өзара әрекеттесу тәртібін анықтайды және құқық бұзушылықтарды тиімді алдын алуға, туындайтын қауіптерге жедел жауап беруге және халықаралық орталықта азаматтардың қауіпсіздігін қамтамасыз етуге мүмкіндік береді», – делінген хабарламада.
Келісімдер Қазақстан мен Қытайдың қауіпсіздік саласындағы практикалық ынтымақтастығын одан әрі дамытуға және өзара қызығушылық тудыратын нақты мәселелерді шешуге бағытталған.
