«Аж до кости жетті»: машинисттерді 27 мың вольт ток соқты Карағанды облысында
Туыстарының айтуынша, сол кеште электровоздың ақауы шыққан, ал машинист 20 минут ішінде ақауды жою және пойызды жолдан алып кету туралы бұйрық алған.
«Көмекші оған токқа түскен сәтте көмектеседі. Оны шығару үшін футболкасынан тартады. Ал өзі де токқа түседі», – дейді машинист Ержан Коймановтың туысы Қанagat Койманова.
Мойынты станциясына зардап шеккендерді басқа электровозбен жеткізді, ал кейін тағы төрт сағат бойы жолаушылар вагонының тамбурында Ағадыр станциясына дейін апарды. Туыстары басынан бастап зардап шеккендерді Қарағандыға санитарлық авиациямен жіберуді сұраған.
«Ағадырда бір тәулік ұстады. Неге ұшақ, тікұшақ шақырмады? Целый день ждали скорую из Караганды. И вертолета ждали, и самолета ждали, и машину ждали», – деп ашуланды машинисттің ағасы Оразалы Койманов.
Оның әпкесі Аида Койманова күйіктің өте күшті екенін айтты.
«Аж до кости жетті. Біз тек әділдік сұраймыз. Қазір менің бауырымды кінәлі етуге тырысуда», – дейді әйел.
Машинисттің көмекшісі Бердигали Габдулиннің жұбайы Перизат Сейдахмет те, ЧП-да олардың күйеулерін кінәлайтынынан қорқады. Ол ер адамдардың барлығын нұсқаулыққа, регламентке сәйкес жасағанын айтады.
Ержан Коймановтың теміржолдағы еңбек өтілі 16 жыл, Бердигали Габдулиндікі – бір жарым жыл. Туыстарының айтуынша, машинисттің денесінің 50%-на дейін күйік, көмекшісінде – шамамен 15%.
«Бір науқас комбустиология бөлімшесіне жатқызылды, жағдайы орташа ауырлықта, тұрақты. Екінші науқас реанимация бөліміне жатқызылды. Жағдайы ауыр», – деп түсіндірді Қарағанды облысының травматологиялық қызметінің жағдайлық орталығының жетекшісі Ксения Деревяшкина.
ҚТЖ-да, Мойынтыға зардап шеккендерді оқиға орнынан жедел медициналық көмек бригадасының жеткізгенін хабарлады.
«Оқиғаның мән-жайы мен себептері анықталуда. Тергеу Қарағанды облысының Мемлекеттік еңбек инспекциясы тарапынан жүргізілуде. Тергеу аяқталғанға дейін оқиғаның себептері мен мән-жайлары туралы алдын ала қорытынды жасауға болмайды», – деп атап өтті «ҚТЖ – Жүк тасымалдары» ЖШС баспасөз қызметі.
