Ақтөбелік алаяқ жалға алушыларды алдағаны үшін жаза алды
Сотталушының жалға беруге қабілетсіз екенін білген ол пәтерді жалға беру туралы хабарландыру жариялаған. Оған осы хабарландыру бойынша жүгінген азаматтарға ол жалға алу мүмкіндігі туралы жалған ақпарат беріп, ақша алып, оны жеке қажеттіліктеріне жұмсаған.
Осылайша, 29 жәбірленушіге жалпы сомасы 1 136 000 теңге материалдық зиян келтірілді. Сот отырысы барысында сотталушы өз кінәсін толық мойындады.
Сотталушының кінәсі жәбірленушілер мен куәгердің көрсетулері, ақша аударымдары туралы түбіртектер, сондай-ақ қылмыстық іс материалдарына қосылған басқа да дәлелдермен расталды.
Сот сотталушының қылмыстық жауапкершілігін және жазасын жеңілдететін жағдайларды, оның шын жүректен өкініш білдіруі мен кінәсін толық мойындауын ескерді. Қылмыстық жауапкершілікті және жазаны ауырлататын жағдайлар сотпен анықталған жоқ.
Сот үкімімен ер адам ҚР ҚК 190-бабы 3-бөлігі 4-тармағы бойынша кінәлі деп танылып, 3 жылға бас бостандығынан айыру жазасы тағайындалды.
Ақтөбе облыстық сотының қылмыстық істер жөніндегі сот алқасының қаулысымен рақымшылық туралы заңды қолдану ескеріле отырып, жаза мерзімі 2 жыл 3 айға қысқартылды.
Сот үкімі заңды күшіне енді.
