89 жастағы ананы өлтіруде ұлы күдікті
«Көршілері 89 жастағы әйелдің 66 жастағы ұлын картоп қазуға көмектесуге шақырғанын айтты. Кейін оның денесі ұлының үйінің ауласында зорлық-зомбылық белгілерімен табылды. Алдын ала мәліметтер бойынша, әйелді балтамен өлтірген», – деп хабарланды жарияланымда.
Корреспондент Солтүстік Қазақстан облысы Полиция департаментінің баспасөз қызметіне сұрау жіберді.
«Полиция 89 жастағы Благовещенка ауылының тұрғынының өлтірілуі фактісі бойынша алдын ала тергеу жүргізуде. Оның денесі тұрғын үйдің ауласында зорлық-зомбылық белгілерімен табылды. Бұл қылмысты жасауда күдікке ілінген 66 жастағы марқұмның ұлы ұсталып, уақытша ұстау изоляторына қамалды. Қажетті сараптамалар тағайындалды, болған оқиғаның барлық мән-жайлары мен себептері анықталуда», – деп жауап берді ДП-да.
