Жаңа оқу жылы: тоқсан, демалыс және емтихандар мерзімдері бекітілді

2026 жылғы 1 қыркүйек — 2027 жылғы 25 мамыр аралығы:

1−11 (12) сыныптардағы оқу жылы бойындағы тоқсан және демалыс ұзақтығы:

1 тоқсан — 8 оқу аптасы, күзгі демалыс — 7 күнтізбелік күн (2026 жылғы 26 қазаннан 1 қарашаға дейін); 2 тоқсан — 8 оқу аптасы, қысқы демалыс — 14 күнтізбелік күн (2026 жылғы 28 желтоқсаннан 2027 жылғы 10 қаңтарға дейін); 3 тоқсан — 10 оқу аптасы, көктемгі демалыс — 7 күнтізбелік күн (2027 жылғы 22-28 наурыз аралығы); 1 сыныптарда қосымша демалыс — 7 күнтізбелік күн (2027 жылғы 8-14 ақпан аралығы); 4 тоқсан — 8 оқу аптасы.

Қорытынды аттестацияның мерзімдері бекітілді:

9 (10) сынып оқушылары үшін қорытынды мемлекеттік емтихандар — 2027 жылғы 31 мамырдан 11 маусымға дейін; 11 (12) сынып оқушылары үшін мемлекеттік емтихандар — 2027 жылғы 1-17 маусым аралығы.

Сондай-ақ қорытынды аттестацияны өткізу мерзімдері бекітілді:

9 (10) сынып оқушылары үшін:

математика (алгебра) бойынша жазбаша емтихан — 2027 жылғы 31 мамыр; таңдау пәні бойынша жазбаша емтихан (физика, химия, биология, география, геометрия, Қазақстан тарихы, әлем тарихы, әдебиет (оқу тілі бойынша), шетел тілі (ағылшын/француз/неміс), информатика) — 2027 жылғы 3 маусым; қазақ тілі/орыс тілі және ана тілі бойынша жазбаша емтихан уйгур/тәжік/өзбек тілінде оқытатын мектептер үшін (оқу тілі) эссе түрінде, гуманитарлық цикл пәндерін тереңдетіп оқытатын мектеп оқушылары үшін — жазбаша жұмыс (мақала, әңгіме, эссе) — 2027 жылғы 7 маусым; қазақ тілі мен әдебиеті бойынша жазбаша емтихан орыс/өзбек/уйгур/тәжік тілінде оқытатын сыныптарда және орыс тілі мен әдебиеті бойынша жазбаша емтихан қазақ тілінде оқытатын сыныптарда — 2027 жылғы 11 маусым;

11 (12) сынып оқушылары үшін:

Қазақстан тарихы бойынша ауызша емтихан — 2027 жылғы 1 маусым; алгебра және анализдің негіздері бойынша жазбаша емтихан — 2027 жылғы 4 маусым; қазақ тілі/орыс тілі және ана тілі бойынша жазбаша емтихан уйгур/тәжік/өзбек тілінде оқытатын мектептер/сыныптар үшін (оқу тілі) — 2027 жылғы 9 маусым; таңдау пәні бойынша жазбаша емтихан (физика, химия, биология, география, геометрия, әлем тарихы, құқық негіздері, әдебиет (оқу тілі бойынша), шетел тілі (ағылшын/француз/неміс), информатика) — 2027 жылғы 14 маусым; қазақ тілі мен әдебиеті бойынша жазбаша емтихан өзбек/уйгур/тәжік/орыс тілінде оқытатын мектептер/сыныптарда және орыс тілі мен әдебиеті бойынша жазбаша емтихан қазақ тілінде оқытатын мектептер/сыныптарда — 2027 жылғы 17 маусым.

Бұйрық 2026 жылғы 15 тамыздан бастап күшіне енеді.