Алматыда жаңа мектептер мен балабақшалар салынады

Әкімдік мәліметтеріне сәйкес, қазіргі уақытта № 16, № 112 және № 170 мектептерге үш қосымша құрылыс салу жұмыстары жалғасуда, аяқталғаннан кейін оқушы орындарының саны тағы 900-ге артады. Сонымен қатар 10 мектеп пен екі балабақшада реконструкция және сейсмикалық күшейту жұмыстары жүргізілуде.

Жылдың соңына дейін 890 орындық екі мектеп, 900 орындық мектептерге үш қосымша құрылыс, тоғыз мектептің реконструкциясы мен сейсмикалық күшейту, сондай-ақ Тлендиев көшесінде балабақша салу жоспарлануда.

Сонымен қатар, жобалау-сметалық құжаттама тағы 14 нысан бойынша әзірленуде. № 87 мектепке қосымша құрылыс және № 112 мектептің реконструкциясы бойынша құрылыс-монтаждау жұмыстары қазан айында басталуы жоспарлануда.

Алматыда білім беру саласында тағы 16 жоба жүзеге асырылуда, оның ішінде балабақшалар, екі Шығармашылық даму орталығының құрылысы және Физика-математика мектебінің реконструкциясы бар. 20 нысан бойынша жобалау құжаттамасы дайындалып жатыр, құрылыс 2027 жылы мемлекеттік сараптамадан өткеннен кейін басталуы жоспарлануда.

2027 жылдың соңына дейін Алматыда жаңғырту бағдарламасы аясында 31 мектепті модернизациялау жоспарлануда. Қазіргі уақытта алты нысанда құрылыс жұмыстары жүргізілуде, екі нысан бойынша конкурс рәсімдері өтуде, тағы 14 нысан бойынша жобалау-сметалық құжаттама дайындалуда.