Семейдегі автокөліктерді жаппай тексеру туралы полицияның түсініктемесі
«Адамдар, тіпті, түрмеден немесе қамаудан біреудің қашып кеткенін айтып жатыр. Бірақ бұл тек қауесеттер, ресми ақпарат жоқ.
Егер шынымен қауіпті адамды іздестіру операциясы жүргізілсе, неге тұрғындарға бұл туралы хабарланбайды? Неге адамдарды жай ғана тоқтатып, автокөліктерін тексереді, бірақ ешкім не болып жатқанын түсіндірмейді?» — деп сұрақ қояды әйел.
Ол жағдайды ресми түрде түсіндіруді сұрады.
ПД Абай облысында жауап берді. Ведомство 30 шілдеден бастап өңірде Біріңғай профилактика күні өтетінін, оның аясында полиция қызметкерлері қоғамдық қауіпсіздікті қамтамасыз ету және құқық бұзушылықтар мен қылмыстардың алдын алу мақсатында профилактикалық шаралар жүргізетінін хабарлады.
«Профилактикалық шаралар барысында 20 жастағы азаматтың медициналық мекемеден өз еркімен кеткен жерін анықтау үшін іздестіру шаралары жүргізілді. Бұл факт түрмеден немесе қамаудан қашу мәселесіне қатысы жоқ.
Тұрғындардың алаңдауы үшін негіз жоқ. Тұрғындар мен өңір қонақтарын тек ресми ақпарат көздеріне сенуге және тексерілмеген мәліметтерді таратудан бас тартуға шақырамыз,» — деп мәлімдеді Абай облысының ПД.
