Қазақстанның бес қаласында қолайсыз метеорологиялық жағдайлар: тұрғындарға ұсыныстар
«2026 жылдың 12 тамызында Алматы, Ақтөбе, Атырау қалаларында, түнде — Семей, Өскеменде қолайсыз метеорологиялық жағдайлар күтілуде», — делінген гидрометорталық мамандарының ескертуінде.
Қолайсыз метеорологиялық жағдайлар (ҚМЖ) атмосфералық ауадағы зиянды заттардың жинақталуына ықпал ететін қысқа мерзімді метеорологиялық факторлардың (желсіз, әлсіз жел, тұман, инверсия) комбинациясын білдіреді.
ҚМЖ жағдайында тұрғындарға ашық ауада, әсіресе автожолдар мен басқа да ластану көздерінің жанында болу уақытын қысқартуға ұсынылады. Созылмалы өкпе, жүрек-қан тамырлары және аллергиялық аурулары бар адамдар көшеде жүргенде қажетті дәрі-дәрмектерді өзімен бірге алып жүруі тиіс.
2026 жылдың 11 тамызында қолайсыз метеорологиялық жағдайлар үш қалада — Өскемен, Ақтөбе, Алматыда болжанған.
