Президент Тоқаев кадрлық өзгерістер енгізді Қорғаныс министрлігінде
ҚР Қорғаныс министрлігінің сайтына сәйкес, Ахмедиев Қарағанды мемлекеттік техникалық университетін «Ақпараттық қауіпсіздік жүйелері» мамандығы бойынша үздік дипломмен тәмамдаған.
«Болашақ» стипендиясының иегері (King’s College London (Кибер қауіпсіздік).
Еңбек жолын 2012 жылы «Ұлттық ақпараттық технологиялар» АҚ-да аналитик ретінде бастады.
2013–2015 жылдары ҚР Төтенше жағдайлар министрлігінде және ҚР Ішкі істер министрлігінің Төтенше жағдайлар комитетінде сарапшы болып жұмыс істеді.
Кейін ҚР Мемлекеттік қызмет істері және сыбайлас жемқорлыққа қарсы іс-қимыл агенттігінде бас сарапшы қызметіне қабылданды.
2017-2019 жылдары ҚР Қорғаныс және аэроғарыш өнеркәсібі министрлігінің басқарма басшысы болып жұмыс істеді.
2019 жылы ҚР Цифрлық даму, инновациялар және аэроғарыш өнеркәсібі министрлігінің Электрондық өнеркәсіпті дамыту департаменті директорының орынбасары қызметіне кірісті.
2020 жылы ҚР Цифрлық даму, инновациялар және аэроғарыш өнеркәсібі министрлігінің IT дамыту департаментінің директоры болып тағайындалды.
2022 жылдың 15 сәуірінде Қазақстан Республикасының Президентінің Жарлығымен Қазақстан Республикасының қорғаныс министрінің орынбасары болып тағайындалды.
