Казпочтаның ауылдық жерлердегі мемлекеттік қызметтерге жұмсалған шығындарын өтеу
Мемлекеттік пошта операторының мемлекеттік қызметтерге қолжетімділікті қамтамасыз етуге жұмсаған шығындары Бюджет кодексінің 30-бабына сәйкес өтеледі.
Әр жылы әкімші ауылдық елді мекендердегі тұрғындарға мемлекеттік қызметтерге қолжетімділікті қамтамасыз ету бойынша жұмыс жобасын әзірлеп, оны ағымдағы жылдың 10 желтоқсанынан кешіктірмей Мемлекеттік пошта операторының мекенжайына жібереді.
Алынған жоба негізінде Мемлекеттік оператор келесі жылдың 1 ақпанына дейін шығындардың болжамды есебін қалыптастырып, оны растайтын материалдармен әкімшіге жібереді.
Мемлекеттік қызметтер бойынша шығындарды өтеу үшін әкімші қаржы жылына дейін 15 мамырға дейін бюджет жоспарлау бойынша орталық уәкілетті органға бюджет өтінімін ұсынуы тиіс.
Шығындарды өтеген кезде әкімші Мемлекеттік пошта операторының келесі шығындарын ескереді:
материалдық шығындар; мемлекеттік қызмет көрсететін қызметкерлердің еңбекақысы; міндетті сақтандыру түрлеріне, салықтарға, алымдарға және бюджетке басқа да міндетті төлемдер; негізгі құралдар мен материалдық емес активтердің амортизациялық аударымдары; негізгі құралдардың құнын арттырмайтын жөндеу жұмыстарына жұмсалған шығындар; ғимараттарды ұстау және коммуналдық шығындар; цифрлық жүйелерді сүйемелдеу және үшінші ұйымдармен келісімшарттар бойынша қызмет көрсету шығындары.
Шығындарды өтеу әкімшімен қарастырылған қаражат шегінде, тоқсан сайын жүзеге асырылады.
Бұйрық 18 тамыздан бастап күшіне енеді.
