Ai-олимпиадының перспективалары: Багдат Мусин жастар үшін табысқа жету мүмкіндіктері туралы
«Мұнда келіп, осындай жарыстарға қатысатын жастар – ертең керемет стартаптар, технологиялық жобалар жасай алатындар. Олар ғылыми зерттеушілер, болашақ технологиялық кәсіпкерлер. Мысалы, статистика ретінде айтар болсам, осындай олимпиадалардың қатысушыларының миллиардер болу мүмкіндігі 1,5 мың есе жоғары, ал ғылыми жаңалықтар ашу мүмкіндігі 4 мың есе артық», – деді федерация басшысы.
Сондықтан, Мусиннің айтуынша, Қазақстан үшін мұндай шаралар маңызды.
«Бұл біздің ел ретінде жасанды интеллектті дамытуға үлкен мән беретініміздің көрсеткіші. Яғни, бұл шара не береді? Біздің мектептердегі жастар осы олимпиадаларды көруі, түсінуі керек. Жасанды интеллект – Қазақстаннан тыс нәрсе емес. Оны мұнда жасауға, онымен жұмыс істеуге және әлемдік топ-лидерлермен бәсекелесуге болады», – деп қосты ол.
Бұған дейін Багдат Мусин жасанды интеллекттің қарқынды дамуы дәуірінде жоғары білімнің өзектілігі туралы пікір білдірген болатын.
