«Болашақ» бағдарламасы бойынша шәкіртақыны арттыру перспективалары

«Шынымен де шәкіртақыларды арттыру жоспарымызда болды. Мен „Болашақ“ президенті болған кезде (2010−2013 жылдар — Ред.) бұл шәкіртақыны соңғы рет көтергеніміз еді. Бүгінгі күні бізде астана емес қалаларда тұтынушылық себет төмен — айына 2 мың доллар шамасында. Лондон, Нью-Йорк сияқты ірі қалаларда тұтынушылық себет қымбат — 2200 доллар, жоғары шәкіртақы. Бірақ, соңғы 13−15 жылдағы бағаның өсуін ескерсек, бұл, әрине, жеткіліксіз», — деді ғылым және жоғары білім министрі Саясат Нурбек.

Ол қазіргі уақытта шәкіртақы бойынша зерттеу жүргізілгенін, мәселенің республикалық комиссияның қарауына жыл соңына дейін шығарылатынын айтты.

«Шешімді біз әзірге білмейміз, бірақ, ең болмағанда, республикалық комиссияның ұжымдық қарауына бұл мәселе міндетті түрде шығарылатын болады», — деді министр.

Шәкіртақы қанша пайызға артатынына ол жауап бермеді.

«Мүмкін, дифференциалды тәсіл қолданылатын шығар, себебі тұтынушылық себеттер әртүрлі өседі: Еуропада — бір, АҚШ-та, Канадада — басқа, Оңтүстік-Шығыс Азия елдерінде және т.б. Бізде жалпы тәсіл бар, бірақ, мұнда, мүмкін, аймақтық коэффициенттер негізінде дифференциалды тәсіл болады», — деді министр.